Потрага по искуства што го менуваат животот пат кон себе-спознание од првиот до последниот чекор! Во текот на нешто повеќе од една деценија,
ТРЕКС организира повеќе независни, непрофитни спортско-рекреативни настани на отворено кои годишно формираат целосен календар на трки во планинско трчање.

Крали Марко Треилс изобилува со митски и духовни мотиви кои ви го одземаат здивот и ве тераат да доаѓате повторно. Настанот во вистинска мера го претставува духовното и културно наследство на пелагонискиот регион во Македонија.
Најстарата и најпопуларна планинска трка во Македонија наречена „Трескавец Треил“ е долга 16км и започнува од Варош во Прилеп и преку Марковите Кули и пејсажни ритчиња ги носи тркачите кон Манастирот Трескавец (13 век) и потоа назад во Прилеп.
Подолгата трка „Камена Баба Треил“,
исто така започнува од Варошот и ја следи патеката до Манастирот Трескавец и оттаму продолжува низ вонземски карпести предели преку Камена Баба во вкупно 34км.
Векови подоцна овие трки се уникатна можност да се следат стапките на Крали Марко, да се истражува и да се стане современ херој! Од 2025 година ќе има и 10км трка.

Авантура која започнува по истапкани шумски патеки од ладовините на планината Водно и преку врвот Крстовар и сртот на Водно води кон мистиката во кањонот Матка. 
Водно-Матка Треилс е целодневен спортски настан во природа кој се состои од четири трки — планински ултрамаратон од 45км за искусни, долга треил трка од 32км средна треил трка од 23км и 10км треил трка идеална за младинци и рекреативци кои сакаат да ги направат првите чекори во планинското трчање.
Учесниците за време на трките имаат
прилика да ги посетат најубавите места на планината Водно и прекрасни места за набљудување на Скопската котлина и планините кои ја опкружуваат — a во далечината и живописниот Шарпланинскиот масив прошаран со остатоците од зимскиот снег.
Водно и кањонот Матка кријат вредни споменици на византиската христијанска култура кои се посетуваат време на трката.

Охрид Ултра-Треил® со своите 4 трки нуди уникатно искуство во планинско трчање во Македонија, комбинирајќи тешки и лесни патеки, две недопрени езера и совладување високи и изложени планински масиви.
Потопен во континуирана историја уште од античките времиња, градот Охрид покрај Охридското езеро, светско наследство на УНЕСКО ве поканува на незаборавни
авантури во планинско ултра-трчање во Националниот парк Галичица.
А во средината на Охридско и Преспанско езеро е „срцето“, крунисано со планината Галичица која ги дели двете големи езера. Во националниот парк дивите и малку талканите патеки ве водат до најпрекрасните глетки во регионот, одлична можност со растојанија од 20км, 40км, 60км и 100 километри во пролетно време како подготовка за напорните летни ултра-трки.

Бекјард Ултра не е типична атлетска трка; тоа е тест на издржливоста, одлучноста и другарството. Замислете се да трчате во круг со точно 6.706 км должина во одреден временски период, повторно, сè додека не остане само еден тркач. Предизвикот не се состои само во завршувањето на секој круг, туку и во тоа да го направите тоа во дозволеното време, поместувајќи ги физичките и менталните граници до крај.

Струмина Треил не значи крај на сезоната, туку почеток на зимските подготовки... Кратка ама слатка треил трка во околината на Штип. Должината од 18 км со 750 метри вкупна денивелација е сосем доволна да се истрча под полн гас на сам лактантен праг.
Она е што ја прави трката да одговара речиси за сите: планинари, планински тркачи, атлетичари и рекреативци е токму тоа што не е класична планинска трка, туку повеќе атлетски крос, со кратка должина и мала денивелација. Но за напредните трчачи патеката е исклучително брза со можност да се трча речиси по целата должина.
Секогаш пријатната атмосфера потхранета се традиционалните штипски пастрмајлии по трката, го чинат овој настан најсрдечниот во нашиот годишен календар.